به‌ڕێوه‌به‌ری گشتی پڕۆژه‌یه‌كی تایبه‌ت به نۆژه‌نكردنوه‌و په‌ره‌پێدانی په‌یمانگای هیوای نابیستان به‌سه‌رده‌كاته‌وه
ڕۆژی یه‌كشه‌ممه، 24ی 3ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به هاوڕێیه‌تی هه‌ریه‌كه له به‌ڕێزان به‌ختیار عه‌لی غه‌ریب، به‌رپرسی به‌شی ئه‌ندازیاریی‌‌و سۆران سه‌عید، به‌رپرسی به‌شی پلان‌و به‌دواداچوون، پڕۆژه‌ی نرۆژه‌نكردنه‌وه‌و په‌ره‌پێدانی بینای په‌یمانگای هیوای نابیستانی به‌سه‌ركرده‌وه.
به پێی ئه‌و پڕۆژه‌یه كه له‌لایه‌ن یه‌كێتی ئه‌وروپاوه هاوكاری ده‌كرێت، له‌سه‌ر ڕووبه‌ری 180 مه‌تر دووجا ژماره‌یه‌ك پۆل‌و هۆڵ بۆ په‌یماگا به پێداویستییه‌كانیه‌وه بۆ په‌یمانگای هیوای دروست ده‌كرێت.
له‌سه‌ردانه‌كه‌یدا به‌ڕێز به‌ڕێوه‌به‌ری گشتی له نزیكه‌وه كاره‌كانی پڕۆژه‌كه‌ی بینی‌‌و ئامۆژگاری ئه‌ندازیارو كۆمپانیای سه‌رپه‌رشتیاری كرد كه به وردی و كوالێتی كاره‌كانیان ئه‌نجامبده‌ن‌و له كاتی خۆیدا پڕۆژه‌كه ته‌واو بكه‌ن، هه‌روه‌ها به‌ڕێوه‌به‌رو ستافی په‌یمانگاشی ئاراسته‌كرد كه به وردی ئاگاداری به‌ڕێوه‌چوونی پڕۆژه‌كه‌بن به جۆرێك نه‌بێته ڕێگر بۆ پرۆسه‌ی خوێندن‌و ته‌واوی ڕێوشوێنه‌كانی سه‌لامه‌تی بۆ منداڵان بگرنه به‌ر.
|