کۆبوونەوەی ژمارە(٣)ی ساڵی (٢٠١٩)ی ئەنجومەنی دیوانی بەڕێوەبەرایەتی گشتی بەڕێوەچوو
ڕۆژی یەکشەممە، ١٠ی ٣ی ٢٠١٩، به‌سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی‌‌و ئاماده‌بوونی به‌ڕێزان یاریده‌دانی به‌ڕێوه‌به‌ری گشتی‌‌و شاره‌زاكانی دیوان و به‌ڕێوه‌به‌ری كارگێڕی‌‌و به‌رپرسی به‌ش‌و هۆبه‌كان، ئه‌نجومه‌نی دیوانی به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی كۆبوونوووه ژماره(٣)ی ساڵی (٢٠١٩)ی خۆی به‌ڕێوه‌برد.
لە کۆبوونەوەکەدا کارو چالاکییەکانی مانگێکی ڕابردوو پیاچوونه‌وه‌ی پێ كراو به‌ڕێز به‌ڕێوه‌به‌ری گشتی به بایه‌خه‌وه كاری به‌ش‌و هۆبه‌كانی هه‌ڵسه‌نگاند به‌تایبه‌ت كاركردن شانده‌كانی به‌ڕێوه‌به‌رایه‌تی گشتی بۆ به‌ڕێوه‌به‌رایه‌تییه هاوبه‌شه‌كان بۆ دروستكردنی ژینگه‌یه‌كی گونجاو بۆ ژیانی هاووڵاتیانی خاوه‌ن پێداویستی تایبه‌ت، له ته‌وه‌رێكی تری كۆبوونه‌وه‌كه‌دا پیاچوونەوە بە کۆنووسی كۆبوونه‌وه‌ی پێشوو كرا به مه‌به‌ستی دڵنیابوونه‌وه له جێ به‌جێكردنی سه‌رجه‌م ده‌رئه‌نجام‌و بڕیارو ڕاسپارده‌كانی، ته‌وه‌ری سێیه‌می كۆبوونه‌وه بریتبوو له گفتوگۆی چه‌ند بڕگه‌یه‌كی په‌یوه‌ندیدار به دایه‌نگه‌كان و تیایدا سه‌باره‌ت به مۆڵه‌تی كردنه‌وه‌و نرخی دایه‌نگه‌كان و جۆره‌كانی چالاكی هه‌ڵوه‌سته‌كراو بڕیاری پێویست درا.
له كۆتا ته‌وه‌ره‌شدا گفتوگۆی كرا له‌سه‌ر پلانی ساڵی (2019)ی به‌ڕێوه‌به‌رایه‌تی گشتی به سه‌رجه‌م به‌رپرس‌و به‌ش‌و هۆبه‌كانه‌وه‌و تیایدا ده‌ستخۆشی له به‌شه‌كان و به‌شی پلان كرا بۆ ئاماده‌كردنی پلانه‌كان.
هه‌ر له كۆبوونه‌وه‌كه‌دا به‌رواری كۆبوونه‌وه‌ی ئاسایی داهاتوو دیاریكرا كه بریتیه له ڕۆژی چوارشه‌ممه، 10ی 4ی 2019.
|