مووچەی و هاوكاری کەمئەندامان وەک خۆی خەرج دەکرێتەوە
پاشئه‌وه‌ی ژماره‌یه‌ك له هاووڵاتیانی خاوه‌ن پێداویستی تایبه‌ت پرسیاریان سه‌باره‌ت به هاوكارییه‌كان(مووچه‌كانیان) كرد، به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی له به‌دواداچوونیدا له ڕێگه‌ی وه‌زاره‌تی كارو كاروباری كۆمه‌ڵایه‌تییه‌وه ئه‌و زانیارییه‌ی ده‌ست كه‌وتووه كه هاوكاری (مووچ)ه‌ی هاووڵاتیانی خاوه‌ن پێداویستی تایبه‌ت(كه‌مئه‌ندامان) وه‌ك خۆی خه‌رج ده‌كرێت، واته ئه‌و هاووڵاتیانه‌ی هیچ مووچه‌یه‌كیان نییه بڕی (150 هه‌زار دینار)و ئه‌وانه‌شی كه كارمه‌ندن یان سه‌رچاوه‌یه‌كی جێگیریی داهاتیان هه‌یه بڕی (100 هه‌زار دینار) وه‌رده‌گرن.
ڕاگه‌یاندنی به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی
10ی 3ی 2019
|